ສິ່ງທີ່ພວກເຮົາໄດ້ເຮັດ
ໃນຂະນະທີ່ ມີການເລີ່ມຕົ້ນທໍາອິດ ໃນປີ 2012 ຢູ່ທີ່ ສປປ ລາວ, ກອງປະຊຸມ ກອງປະຊຸມ ກ່ຽວກັບ ວຽກງານ Pro Bono ໃນພາກພື້ນອາຊີ ແລະ ການເຂົ້າເຖີງ ຂະບວນການຍຸຕິທໍາ (Asia Pro Bono Conference & Access to Justice) ທີ່ຖືກຈັດຂຶ້ນ ໃນແຕ່ລະປີ ແມ່ນເປັນການສະເຫຼີມສະຫຼອງ ແລະ ເນັ້ນໜັກໃສ່ ວຽກງານທີ່ກົວພັນກັບນິຕິກໍາ ແບບ Pro Bono ແລະ ຈັນຍາບັນທາງກົດໝາຍ, ທີ່ປຶກສາຫາລື ກ່ຽວກັບ ວິທີທາງ ເຜີຍແຜ່ ຈັນຍາບັນ ກ່ຽວກັບວຽກງານແບບ Pro bono ຢູ່ໃນພາກພື້ນອາຊີ ແລະ ຢູ່ທົ່ວໂລກ.
ກອງປະຊຸມ ແລະ ການແລກປ່ຽນ ປະກອບມີ ການນໍາສະເໜີຂໍ້ມູນ, ການສົນທະນາເປັນກຸ່ມບົນເວທີ່ຕໍ່ໜ້າຜູ້ເຂົ້າຮ່ວມ, ຊ່ວງຖາມ ແລະ ຕອບ, ແລະ ກອງປະຊຸມສົນທະນາຕອບໂຕ້ໄປມາ ທີ່ນໍາໂດຍ ທະນາຍຄວາມສາກົນ ຜູ້ທີ່ມີປະສົບການ ແລະ ອາຈານສອນກົດໝາຍ. ຊ່ວງວາລະນີ້ ແມ່ນເວົ້າເຖິງ ສີ່ງທ້າທາຍ ແລະ ຜົນສໍາເລັດ ຂອງ ວຽກງານແບບ pro bono ຢູ່ໃນແຕ່ລະປະເທດ ຂອງ ທະນາຍຄວາມ.
ແຕ່ລະກອງປະຊຸມ & ການແລກປ່ຽນ ແມ່ນຈະມີການສະໜອງ ການແປພາສາແບບສົດໆ ຕະຫຼອດງານ ເພື່ອຕອບສະໜອງ ການນໍາໃຊ້ພາສາ ທີ່ແຕກຕ່າງກັນ ທີ່ນໍາສະເໜີ ໃນຫ້ອງປະຊຸມ.
ມາຮອດປັດຈຸບັນນີ້, ກອງປະຊຸມ ແລະ ການແລກປ່ຽນ ໄດ້ຖືກຈັດຂຶ້ນ ຢູ່ນະຄອນຫຼວງວຽງຈັນ, ປະເທດລາວ (ປີ 2012); ນະຄອນໂຮຈິມິນ, ປະເທດຫວຽດນາມ (ປີ 2013); ປະເທດສິງກະໂປ (ປີ 2014); ນະຄອນແມນດາເດ, ປະເທດມຽນມາ (ປີ 2015); ແຂວງບາຫລີ, ປະເທດອິນໂດເນເຊຍ (ປີ 2016); ນະຄອນຫຼວງກົວລາລຳເປີ, ປະເທດມາເລເຊຍ (ປີ 2017); ປະເທດຮົງກົງ, ຈີນ (ປີ 2018), ນະຄອນກາດມັນດູ, ປະເທດເນປານ (ປີ 2019), ຜ່ານລະບົບອອນລາຍ (ປີ 2020) ແລະ (ປີ 2021).
ຜົນ ຂອງກອງປະຊຸມປະຈໍາປີນີ້ ສາມາດສະແດງໃຫ້ເຫັນຢ່າງຈະແຈ້ງ ໂດຍມີຜູ້ເຂົ້າຮ່ວມ ເປັນຈໍານວນຫຼາຍ ທີ່ໄດ້ເຂົ້າຮ່ວມໃນຫຼາຍປີທີ່ຜ່ານມາ. ເພື່ອອ່ານຄໍາຄິດເຫັນ ຂອງ ເຂົາເຈົ້າກ່ຽວກັບ ຜົນຈາກການປະຊຸມ & ການແລກປ່ຽນ ໃນໄລຍະ 10 ປີຜ່ານມາ, ກະລຸນາຄລິກໃສ່ ລີ້ງຂ້າງລຸ່ມນີ້:
ບັນຊີສະແດງຄໍາຄິດເຫັນ 10 ປີ (ຈາກນັ້ນ ແລະ ຕອນນີ້)
ກອງປະຊຸມທາງໄກ ຄັ້ງທີ 10 ກ່ຽວກັບ PRO BONO ຢູ່ໃນພາກພື້ນອາຊີ ແລະ ການເຂົ້າເຖິງ ການແລກປ່ຽນຂໍ້ມູນ ກ່ຽວກັບ ຂະບວນການຍຸຕິທໍາ, ປະຈໍາປີ 2021
ການສະເຫຼີມສະຫຼອງ ໜື່ງທົດສະວັດ ແຫ່ງການເສີມສ້າງ ການຮ່ວມມື ດ້ານຄວາມຍຸຕິທຳ ແລະ ລະບຽບກົດໝາຍ
ຜູ້ເຂົ້າຮ່ວມ ຈາກ ທົ່ວພາກພື້ນອາຊີ ແລະ ທົ່ວໂລກ ໄດ້ມາລວມໂຕກັນ ເພື່ອຊ່ວຍຮັບປະກັນ ການເຂົ້າເຖິງ ຂະບວນການຍຸຕິທຳ ທີ່ກວ້າງຂວາງຂື້ນ ແລະ ເສີມຂະຫຍາຍ ແລະຂະຫຍາຍ ຂໍ້ລິເລີ່ມ pro bono. ເມື່ອພວກເຮົາລວມເຂົ້າກັນທັງໝົດ ສໍາລັບ ກອງປະຊຸມ APBVC&A2JX, ພວກເຮົາມີຜູ້ເຂົ້າຮ່ວມ ແລະ ອາສາສະໝັກ ເກືອບ 700 ຄົນ, ທີ່ມາຈາກ ຫຼາຍກວ່າ 40 ປະເທດ, ແລະ 33 ຊ່ວງວາລະ. ເຖີງແມ່ນວ່າ ພາສາຫຼັກ ທີ່ໃຊ້ໃນກອງປະຊຸມ/ການແລກປ່ຽນ ຈະເປັນພາສາອັງກິດກໍຕາມ, ແຕ່ຊ່ວງວາລະສ່ວນໃຫຍ່ ຂອງ ກອງປະຊຸມ ໄດ້ມີ ການແປພາສາແບບສົດໆເຖີງ 7 ພາສາທີ່ແຕກຕ່າງກັນ, ຊື່ງຊ່ວຍໃຫ້ ຜູ້ເຂົ້າຮ່ວມມີສ່ວນຮ່ວມ ຢ່າງຫຼວງຫຼາຍ ໂດຍບໍ່ມີອຸປະສັກດ້ານພາສາ.
ໂດຍມີການຖ່າຍທອດສົດ ກອງປະຊຸມໄປທົ່ວໂລກ, ມາເຖິງປັດຈຸບັນ, ງານດັ່ງກ່າວ ໄດ້ບັນລຸຫຼາຍກ່ວາ 405,000 ຄົນ ສີ່ງດັ່ງກ່າວນີ້ ແມ່ນເປັນສີ່ງທີ່ບໍ່ໜ້າເຊື່ອເລີຍ. ຫົວຂໍ້ ຂອງ ກອງປະຊຸມ ແມ່ນ ການສະເຫຼີມສະຫຼອງ ທົດສະວັດ ແຫ່ງການເສີມສ້າງ ການຮ່ວມມື ຢູ່ໃນວຽກງານຍຸຕິທໍາ ແລະ ລະບຽບກົດໝາຍ ແລະ ຕົວເລກເຫຼົ່ານີ້ ແມ່ນເປັນບາງຕົວຢ່າງ ທີ່ຈະແຈ້ງທີ່ສຸດ ກ່ຽວກັບ ສີ່ງທີ່ເປັນດ້ານບວກ ສາມາດເກີດຂຶ້ນໄດ້ ໃນທົດສະວັດ ແຫ່ງ ການຮ່ວມມື.
ກອງປະຊຸມທາງໄກ ຂັ້ນປະຖົມມະເລີກ ກ່ຽວກັບ PRO BONO ໃນພາກພື້ນອາຊີ ແລະ ການເຂົ້າເຖິງການແລກປ່ຽນຂໍ້ມູນ ກ່ຽວກັບຂະບວນການຍຸຕິທຳ, ປະຈໍາປີ 2020
Pro Bono ຢູ່ໃນສະພາບແວດລ້ອມ ທີ່ຂ້າມຜ່ານ.
ກອງປະຊຸມທາງໄກຄັ້ງທີ 9 ກ່ຽວກັບ Pro Bono ແລະ ການເຂົ້າເຖິງ ການແລກປ່ຽນຂໍ້ມູນ ກ່ຽວກັບຂະບວນການຍຸຕິທໍາ ໄດ້ຈັດຂຶ້ນ ທາງອອນລາຍ໌. ໄດ້ມີຜູ້ລົງທະບຽນ 990 ຄົນ ທີ່ມາຈາກ 41 ປະເທດໃນທົ່ວໂລກ ທີ່ໄດ້ເຂົ້າຮ່ວມ ກອງປະຊຸມ ວັນທີ 24 ຫາ 28 ກັນຍາ 2020. ມັນຍັງໄດ້ຖ່າຍທອດສົດ ຢູ່ເທີງໜ້າເຟດບຸກ ແລະ ເຂົ້າເຖິງຜູ້ຊົມໄດ້ 212,859 ຄົນ. ມີ 45 ຊ່ວງວາລະກອງປະຊຸມ ແລະ ມີການນໍາສະເຫນີຂໍ້ມູນ ໂດຍ ຜູ້ນໍາສະເໜີ ຈໍານວນ 173 ຄົນ ທີ່ມາຈາກ ຫຼາຍປະເທດ.
ກອງປະຊຸມຄັ້ງທີ 8 ກ່ຽວກັບ PRO BONO ໃນພາກພື້ນອາຊີ ແລະ ການເຂົ້າເຖິງ ການແລກປ່ຽນຂໍ້ມູນ ກ່ຽວກັບຂະບວນການຄວາມຍຸຕິທຳ, ທີ່ ປະເທດເນປານ ປີ 2019
ຄວາມຍຸຕິທໍາ ສໍາລັບໝົດທຸກຄົນ: ສ້າງຄວາມເຂັ້ມແຂງ – ມີສ່ວນຮ່ວມ – ສ້າງຄວາມຍືນຍົງ
ກອງປະຊຸມຄັ້ງທີ 8 ກ່ຽວກັບ Pro Bono ໃນພາກພື້ນອາຊີ ແລະ ການເຂົ້າເຖິງ ການແລກປ່ຽນຂໍ້ມູນ ກ່ຽວກັບ ຂະບວນການຍຸຕິທຳໄດ້ຖືກຈັດຂຶ້ນເປັນຄັ້ງທໍາອິດ ຢູ່ທີ່ ພາກພື້ນອາຊີໃຕ້ ຢູ່ທີ່ ນະຄອນຫລວງ ກາດມັນດູ ປະເທດເນປານ ໃນລະຫວ່າງວັນທີ 13 ຫາ 15 ກັນຍາ ປີ 2019. ນອກຈາກນັ້ນ,ຍັງມີການສ້າງການເຂົ້າເຖີງ ການແລກປ່ຽນຂໍ້ມູນ ກ່ຽວກັບ ຂະບວນການຍຸຕິທຳ ຢ່າງເປັນທາງການ ຊື່ງມີການຈັດງານຕ່າງໆ ທີ່ກ່ຽວຂ້ອງກັບ ການເຂົ້າເຖິງ ຂະບວນການຍຸຕິທໍາ ທີ່ຈັດຂື້ນກ່ອນ ແລະ ຫຼັງ ການປະຊຸມຕ່າງໆ (10-12 & 16-19 ກັນຍາ 2019). ສີ່ງດັ່ງກ່າວນີ້ ໄດ້ເປັນການເຕົ້າໂຮມ ຜູ້ໃຫ້ບໍລິການດ້ານນິຕິກໍາ ທີ່ໃຫຍ່ທີ່ສຸດ ທີ່ເຮັດວຽກ ເພື່ອສະໜັບສະໜູນ ວຽກງານແບບ pro bono ແລະ ການເຂົ້າເຖິງ ການລິເລີ່ມ ກ່ຽວກັບ ລະບົບຍຸຕິທຳ ໂດຍຄົນຫຼາຍກວ່າ 800 ຄົນ ທີ່ມາຈາກ 30 ປະເທດ.
ກອງປະຊຸມຄັ້ງທີ 7 ກ່ຽວກັບ PRO BONO ໃນພາກພື້ນອາຊີ, ທີ່ຮົງກົງ ປີ 2018
ສ້າງແຮງບັນດານໃຈ. ສ້າງຜົນ
ສ້າງແຮງບັນດານໃຈ. ສ້າງຜົນ
ກອງປະຊຸມຄັ້ງທີ 7 ກ່ຽວກັບ Pro Bono ຢູ່ໃນພາກພື້ນອາຊີ ແລະ ການເຂົ້າເຖິງ ການແລກປ່ຽນ ຂໍ້ມູນກ່ຽວກັບ ຂະບວນການຍຸຕິທຳ ໄດ້ຖືກຈັດຂຶ້ນເປັນຄັ້ງທໍາອິດ ຢູ່ໃນອາຊີຕາເວັນອອກ ຢູ່ທີ່ ຮົງກົງ ຂອງ ຈີນ ໃນລະຫວ່າງວັນທີ 25 ຫາ 27 ຕຸລາ 2018. ມີຜູ້ເຂົ້າຮ່ວມ ຫຼາຍກວ່າ 400 ຄົນ ທີ່ມາຈາກ 30 ກວ່າປະເທດ ແລະ ອະນາເຂດ, ທີ່ເຂົ້າຮ່ວມໃນແຕ່ລະວາລະ ແລະ ງານ ເກືອບ 30 ຊ່ວງ ໃນໄລຍະ 3 ວັນເຕັມ. ຄຳຕິຊົມ ທີ່ໄດ້ຮັບມາຮອດປັດຈຸບັນ ບອກໄດ້ວ່າ ມັນເປັນຜົນສຳເລັດອັນໃຫຍ່ຫຼວງແລະ ເປັນຜົນສຳເລັດ ຂອງຮົງກົງ, ເພາະວ່າ ນີ້ແມ່ນເປັນຄັ້ງທຳອິດ ທີ່ນະຄອນດັ່ງກ່າວ ໄດ້ຈັດງານດັ່ງກ່າວຂື້ນ.
ກອງປະຊຸມຄັ້ງທີ 6 ກ່ຽວກັບ PRO BONO ໃນພາກພື້ນອາຊີ, ທີ່ປະເທດມາເລເຊຍ ປີ 2017
ການເສີມສ້າງ ວັດທະນະທໍາ Pro Bono: ຄວາມສາມັກຄີແລະ ຄວາມຫຼາກຫຼາຍ
ກອງປະຊຸມຄັ້ງທີ 6 ກ່ຽວກັບ Pro Bono ໃນພາກພື້ນອາຊີ ແລະ ການເຂົ້າເຖິງ ການແລກປ່ຽນຂໍ້ມູນ ກ່ຽວກັບ ຂະບວນການຍຸຕິທຳ ໄດ້ດຳເນີນເປັນເວລາ 3 ວັນ ຢູ່ທີ່ ນະຄອນ Kuala Lumpur , ປະເທດມາເລເຊຍ ໃນລະຫວ່າງວັນທີ 30 ກັນຍາ ຈົນຮອດ ວັນທີ 2 ຕຸລາ ປີ 2017. ນີ້ ໄດ້ເປັນການປະຊຸມ ທີ່ໃຫຍ່ທີ່ສຸດ ທີ່ມີຫຼາຍກວ່າ 500 ຄົນ ຈາກ 30+ ປະເທດ ເຂົ້າມາຮ່ວມ. ກອງປະຊຸມ ແລະ ການແລກປ່ຽນ ໄດ້ຮັບ ການຢັ້ງຢືນການສືບຕໍ່ການພັດທະນາ ທີ່ເປັນມືອາຊີບ ໂດຍ ສະພາທະນາຍຄວາມແຫ່ງປະເທດມາເລເຊຍ.
ກອງປະຊຸມຄັ້ງທີ 5 ກ່ຽວກັບ PRO BONO ໃນພາກພື້ນອາຊີ, ທີ່ປະເທດອິນໂດເນເຊຍ ປີ 2016
ຜົນ ຂອງ Pro Bono ທີ່ມີຕໍ່ ການປ່ຽນແປງ ການຫັນປ່ຽນ: ການເຮັດວຽກ ເພື່ອບັນລຸເປົ້າໝາຍ ການພັດທະນາແບບຍືນຍົງ
ກອງປະຊຸມຄັ້ງທີ 5 ກ່ຽວກັບ Pro Bono ແລະ ການເຂົ້າເຖິງ ການແລກປ່ຽນຂໍ້ມູນກ່ຽວກັບ ຂະບວນການຍຸຕິທຳ ໄດ້ຈັດຂຶ້ນຢູ່ທີ Sanur, ແຂວງ Bali ແຕ່ວັນທີ 29 ສິງຫາ ຫາ ວັນທີ 2 ກັນຍາ ປີ 2016. ກອງປະຊຸມ ໄດ້ຕ້ອນຮັບ ຜູ້ແທນຫຼາຍກວ່າ 320 ຄົນ ທີ່ມາຈາກ 30 ປະເທດ ໃນທົ່ວປະຊາຄົມນິຕິກໍາ ລວມທັງທະນາຍຄວາມ, ຜູ້ໃຫ້ການສຶກສາກົດໝາຍ, ນັກສຶກສາ, ຜູ້ພິພາກສາ, ເຈົ້າໜ້າທີ່ລັດ ແລະ ຜູ້ຊ່ຽວຊານ ຈາກ ອົງການຈັດຕັ້ງທາງສັງຄົມ. ຫົວຂໍ້ຂອງກອງປະຊຸມ ແລະ ການແລກປ່ຽນ ແມ່ນ “ຜົນ ຂອງ Pro Bono ຕໍ່ ການປ່ຽນແປງ ການຫັນປ່ຽນ: ການເຮັດວຽກ ເພື່ອບັນລຸເປົ້າໝາຍ ການພັດທະນາແບບຍືນຍົງ”.
ກອງປະຊຸມຄັ້ງທີ 4 ກ່ຽວກັບ PRO BONO ໃນພາກພື້ນອາຊີ ແລະ ກອງປະຊຸມ ກ່ຽວກັບຈັນຍາບັນທາງກົດໝາຍ, ທີ່ປະເທດພະມ້າ ປີ 2015
Pro Bono ແລະ ຈັນຍາບັນ ສ້າງອາຊີບກ່ຽວກັບນິຕິກໍາ ໃຫ້ມີຊື່ສ່ຽງ
ກອງປະຊຸມຄັ້ງທີ 4 ກ່ຽວກັບ Pro Bono ໃນພາກພື້ນອາຊີ ແລະ ກອງປະຊຸມ ກ່ຽວກັບຈັນຍາບັນທາງກົດໝາຍ ໄດ້ຈັດຂຶ້ນ ຢູ່ນະຄອນ Mandalay, ປະເທດມຽນມາ ແຕ່ວັນທີ 3 ຫາ 6 ກັນຍາ, ປີ 2015; ເປັນການເຕົ້າໂຮມ ຜູ້ແທນ 230 ກວ່າຄົນ ທີ່ມາຈາກ 19 ປະເທດ. ບັນດາຜູ້ແທນ ທີ່ມາຈາກທົ່ວປະຊາຄົມ ທີ່ກ່ຽວຂ້ອງກັບນິຕິກໍາ ລວມທັງທະນາຍຄວາມ, ຜູ້ໃຫ້ການສຶກສາດ້ານກົດໝາຍ, ນັກສຶກສາ, ຜູ້ພິພາກສາ, ເຈົ້າໜ້າທີ່ລັດ, ແລະ ນັກຊ່ຽວຊານ ຈາກອົງການຈັດຕັ້ງທາງສັງຄົມ. ຫົວຂໍ້ ຂອງ ກອງປະຊຸມ ແລະ ເວທີສົນທະນາ ແມ່ນ “Pro Bono ແລະ ຈັນຍາບັນ ສ້າງອາຊີບກ່ຽວກັບນິຕິກໍາ ໃຫ້ມີຊື່ສຽງ”. ມັນເປັນການວາງສະແດງ ທີ່ສ້າງແຮງບັນດານໃຈ ກ່ຽວກັບ ການປະກອບສ່ວນລົງມືປະຕິບັດ ທີ່ເຂັ້ມແຂງ ຕໍ່ວຽກງານ pro bono, ຈັນຍາບັນທາງກົດໝາຍ ແລະ ການສຶກສາ ຂະບວນການຍຸຕິທໍາ ຢູ່ໃນພາກພື້ນ ແລະ ສາກົນ.
(ຄຼີກ ເພື່ອອ່ານບົດລາຍງານ ການປະຊຸມ)
ກອງປະຊຸມຄັ້ງທີ 3 ກ່ຽວກັບ PRO BONO ໃນພາກພື້ນອາຊີ, ທີ່ປະເທດສີງກະໂປ ປີ 2014
ການຮ່ວມມືກັນ ລະຫວ່າງພາກລັດ, ເອກະຊົນ ແລະ ປະຊາຊົນ
ກອງປະຊຸມຄັ້ງທີ 3 ກ່ຽວກັບ Pro Bono ໄດ້ຖືກຈັດຂຶ້ນ ຢູ່ທີ່ປະເທດສິງກະໂປ ໃນວັນທີ 2 ຫາ 4 ຕຸລາ ປີ 2014; ເປັນການເຕົ້າໂຮມ ຜູ້ແທນ 350 ກວ່າຄົນ ທີ່ມາຈາກ 25 ປະເທດ. ນີ້ແມ່ນເປັນກອງປະຊຸມ ທີ່ໄດ້ສະເຫຼີມສະຫຼອງ pro bono ຢ່າງແທ້ຈິງ, ຊື່ງບໍ່ເປັນພຽງແຕ່ເປັນ ການສະໜອງ ການບໍລິການດ້ານນິຕິກໍາ ແບບບໍ່ເສຍຄ່າ ຈາກ ທະນາຍຄວາມ ເພື່ອ ສີ່ງທີ່ດີແກ່ສາທາລະນະຊົນ ເທົ່ານັ້ນ, ແຕ່ຍັງເປັນແນວຄວາມຄິດ ທີ່ກໍາລັງຂັບເຄື່ອນວິວັດທະນາການທາງບວກ ແກ່ ລະບົບກົດໝາຍ ເພື່ອສືບຕໍ່ ສ້າງຄວາມຍຸຕິທໍາ ແກ່ ຄົນທີ່ທຸກຍາກ, ຜູ້ດ້ອຍໂອກາດທາງສັງຄົມ ແລະ ຜູ້ທີ່ມີຄວາມສ່ຽງ ທີ່ມາຈາກຫຼາຍບ່ອນ ຂອງ ປະເທດຕ່າງໆ ຢູ່ໃນພາກພື້ນອາຊີ.
(ຄຼີກ ເພື່ອອ່ານບົດລາຍງານ ການປະຊຸມ)
ກອງປະຊຸມຄັ້ງທີ 2 ກ່ຽວກັບ PRO BONO ໃນພາກພື້ນອາຊີ, ທີ່ປະເທດຫວຽດນາມ ປີ 2013
ຂໍ້ລິເລີ່ມ Pro Bono ເພື່ອສ້າງຄວາມເຂັ້ມແຂງ ແກ່ ການເຂົ້າເຖິງຂະບວນການຍຸຕິທໍາ
ກອງປະຊຸມຄັ້ງທີ 2 ກ່ຽວກັບ Pro Bono ຢູ່ໃນພາກພື້ນອາຊີ ໄດ້ຈັດຂຶ້ນ ຢູ່ທີ່ ນະຄອນໂຮ່ຈິມິນ, ປະເທດຫວຽດນາມ ແຕ່ວັນທີ 11 ຫາ12 ຕຸລາ 2013; ເປັນການເຕົ້າໂຮມ ຜູ້ແທນ 200 ກວ່າຄົນ ທີ່ມາຈາກ 19 ປະເທດ. ບັນດາຜູ້ແທນ ໄດ້ເຕົ້າໂຮມກັນ ເພື່ອແບ່ງປັນ ປະສົບການຂອງເຂົາເຈົ້າ ກ່ຽວກັບ ການລິເລີ່ມ Pro Bono ເພື່ອສ້າງຄວາມເຂັ້ມແຂງ ແກ່ ການເຂົ້າເຖິງ ຂະບວນການຍຸຕິທໍາ ແລະ ໄດ້ຍົກຍ້ອງຄຸນງາມຄວາມດີຂອງການເຮັດວຽກແບບ pro bono ແລະ ເບິ່ງອະນາຄົດ ຂອງ ການໃຫ້ບໍລິການດ້ານກົດໝາຍ ແບບ pro bono. ກອງປະຊຸມ ແລະ ກອງປະຊຸມສຳມະນາ, ບັນດາຜູ້ແທນ ແມ່ນໄດ້ຮັບການສະໜັບສະໜູນ ຈາກ ການເຂົ້າຮ່ວມທີ່ຫ້າວຫັນ ຂອງ ບັນດານັກສຶກສາກົດໝາຍ ທີ່ມາຈາກປະເທດກຳປູເຈຍ, ສິງກະໂປ, ຫວຽດນາມ.
(ຄຼີກ ເພື່ອອ່ານບົດລາຍງານ ການປະຊຸມ)
ກອງປະຊຸມຂັ້ນປະຖົມມະເລີກ ກ່ຽວກັບ PRO BONO ໃນພາກພື້ນອາຊີ, ທີ່ປະເທດລາວ ປີ 2012
ພັດທະນາ ຂໍ້ລິເລີ່ມ Pro Bono ເພື່ອສ້າງຄວາມເຂັ້ມແຂງ ແກ່ ການເຂົ້າເຖິງ ຂະບວນການຍຸຕິທໍາ ຢູ່ໃນພາກພື້ນອາຊີ ແລະ ສາກົນ
ກອງປະຊຸມຄັ້ງທີ 1 ກ່ຽວກັບ Pro Bono ໃນພາກພື້ນອາຊີ ໄດ້ຈັດຂຶ້ນ ຢູ່ທີ່ ນະຄອນຫຼວງວຽງຈັນ, ສປປ ລາວ ໃນວັນທີ 28 ຫາ 29 ກັນຍາ 2012; ເປັນການເຕົ້າໂຮມ ຜູ້ແທນ 150 ກວ່າຄົນ ທີ່ມາຈາກ 20 ປະເທດ. ກອງປະຊຸມ/ກອງປະຊຸມວິຊາການ ຄັ້ງທຳອິດ ທີ່ປະກອບດ້ວຍ ທະນາຍຄວາມ, ຜູ້ຕ່າງໜ້າອົງການຈັດຕັ້ງທາງສັງຄົມ, ນັກວິຊາການ, ນັກສຶກສາ, ຜູ້ຕ່າງໜ້າສະມາຄົມສະພາທະນາຍຄວາມ ແລະ ອຳນາດການປົກຄອງລັດ ທີ່ໄດ້ເຕົ້າໂຮມກັນ ເປັນຄັ້ງທຳອິດ ຢູ່ທີ່ ນະຄອນຫຼວງວຽງຈັນ, ປະເທດລາວ, ເພື່ອ ແລກປ່ຽນປະສົບການ ແລະ ວິໄສທັດ.
(ຄຼີກ ເພື່ອອ່ານບົດລາຍງານ ການປະຊຸມ)
